Pakistan cricket board ( PCB ) ne fast bowler Mohammad Amir ko international cricket mein wapsi ke liye green signal day diya hai .
Reportedly ke mutabiq Mohammad Amir ko team mein laane ke intizamaat kar liye gaye hain. selection committee ne Mohammad Amir ke manager se rabita kar ke sabiq fast bowler par zor diya hai ke woh qaumi wapsi ke liye khud ko tayyar karen .
official ne 30 sala taiz gaind baz ko apni cricket par tawajah dainay aur media mein aisay ghair zaroori bayanaat dainay se guraiz karne ka mahswara bhi diya hai jis se tanaza ho sakta hai. report mein mazeed kaha gaya ke 2020 mein bain al aqwami cricket se retire honay walay Amir se jald hi apni retirement par nazar sani karne ko kaha jaye ga, is liye inhen is waqt tak fit rehne aur practice karte rehne ki zaroorat hai .
official ne kaha ke Amir aik achay bowler hain aur Pakistan ko un ki zaroorat hai. unhon ne kaha ke Amir ko Hadayat par amal karne ko kaha gaya hai aur umeed hai ke woh jald hi Pakistani team se khelain ge .